Amerikalı diplomat: "Bakı və İrəvan arasında niyyət sazişi imzalana bilər"
ABŞ-də Azərbaycan Prezidenti İlham Əliyevlə Ermənistan baş naziri Nikol Paşinyan arasında keçirilməsi gözlənilən görüş beynəlxalq ictimaiyyətin gündəmindədir.
Uzun müddətdir davam edən normallaşma prosesinin Ağ Evdə, nəhayət, nəticəyönümlü bir nöqtəyə çatacağı düşünülür. Əlbəttə, bu, sadəcə ehtimaldır. Danışıqların nə ilə nəticələnəcəyini, əlbəttə, bir neçə gündən sonra konkret biləcəyik. Ehtimallar və versiyalar isə müxtəlifdir.
ABŞ Dövlət Departamentinin keçmiş əməkdaşı, diplomatik Pol Qobl Crossmedia.az-a açıqlamasında deyib ki, o, Vaşinqton sülh sazişinin imzalanacağını düşünmür: "Amma sülh sazişinin gələcəkdə imzalanması ilə bağlı niyyət sazişi əldə oluna bilər. Fikrimcə, İran və Rusiya bu prosesə mane ola bilməz. Onlar sadəcə əldə olunacaq razılaşmanı sarsıda bilərlər və buna çalışacaqlar".
Müsahibibimiz, həmçinin söyləyib ki, Ermənistan konstitusiyasının dəyişdirilməsi məsələsi aktuallığını qoruyacaq: "Bu, bir çoxunun iddia etdiyi kimi, yaxın gələcəkdə olmasa da, baş tutacaq".
Kənan Novrruzov
14:23 07.08.2025
Oxunuş sayı: 983
