MÜTDA vakansiya seçimi ilə bağlı yayılan iddialara aydınlıq gətirib
Hazırda vakansiyalar yalnız həvəsləndirmə tədbirləri tətbiq olunan müəssisələr üzrə təqdim olunur.
Bu barədə Crossmedia.az-a Məktəbəqədər və Ümumi Təhsil üzrə Dövlət Agentliyi (MÜTDA) məlumat verib.
Agentlikdən bildirilib ki, əgər şəxsi səhifədə hər hansı vakansiya əks olunmayıbsa, bu, namizədin faktiki yaşayış yeri üzrə həvəsləndirmə tədbirləri tətbiq olunan müəssislər üzrə hazırda vakansiya olmadığı anlamına gəlir.
Qeyd edək ki, vakansiya seçimi ilə bağlı bir sıra namizədlər sistemdə vakansiyanın olmaması ilə bağlı sosial şəbəkədə paylaşımlar edib.
Xatırladaq edirik ki, avqustun 6-da MİQ üzrə müsabiqənin ümumi vakansiya seçimi mərhələsinə start veriləcək. Həmin tarixdən etibarən namizədlər bütün ölkə üzrə təqdim edilən vakansiyalarla tanış ola biləcəklər.(APA)
16:06 01.08.2025
Oxunuş sayı: 12681
