Rusiya-Ermənistan vizasız rejiminə dəyişiklik : pasport möhürü ləğv olunur
Ermənistan hökuməti Rusiya ilə qarşılıqlı vizasız səfərlərlə bağlı razılaşmaya dəyişiklikləri təsdiqləyib.
Crossmedia.az xəbər verir ki, bu barədə Rusiya KİV-i məlumat yayıb.
Dəyişikliklərə əsasən, Ermənistan vətəndaşlarının xaricə çıxışı zamanı pasportlarına vurulan “xaricdə sənədin etibarlılıq müddəti” barədə möhür tələbi razılaşmadan çıxarılacaq.
Qeyd edək ki, bu tələb artıq 2024-cü il yanvarın 1-dən etibarən qüvvədən düşüb və buna görə də razılaşmanın mətni də bu dəyişikliyə uyğunlaşdırılır.
Hazırkı qaydalara görə, Rusiya və Ermənistan vətəndaşları hər iki ölkənin ərazisində qeydiyyat olmadan 30 günədək, yaşayış statusu almadan isə ildə 180 günədək qala bilərlər.
Fatimə Məmmədova
18:00 31.07.2025
Oxunuş sayı: 6386
