Tramp 14 ölkəyə qarşı gömrük rüsumlarını rəsmi şəkildə açıqladı
Amerika Birləşmiş Ştatları 1 avqustda 10-dan çox ölkəyə qarşı nəzərdə tutulan gömrük rüsumlarının tətbiqini təxirə salmayacaq. Bu barədə ABŞ prezidenti Donald Tramp məlumat verib.
Crossmedia.az xəbər verir ki, "1 avqust son tarixidir və uzadılmayacaq. Amerika üçün vacib gündür!" , – deyən Tramp Truth Social sosial şəbəkəsində paylaşım edib.
Qeyd edək ki, Tramp 7 iyulda 14 ölkənin rəhbərlərinə göndərdiyi məktubda həmin ölkələrə qarşı 1 avqustdan etibarən 25%-dən 40%-ə qədər gömrük rüsumları tətbiq ediləcəyini açıqlayıb. Siyahıya Banqladeş, Bosniya və Herseqovina, İndoneziya, Qazaxıstan, Kamboca, Malayziya, Myanma, Laos, Serbiya, Tailand, Tunis, Cənubi Afrika, Cənubi Koreya və Yaponiya daxildir. Ağ Ev ümid edir ki, bu ölkələr avqusta qədər ABŞ-la ticarət razılaşmaları imzalayacaq və bu da tariflərin tətbiqini zəruri etməyəcək.
Bənövşə Zahidli
17:09 30.07.2025
Oxunuş sayı: 6627
