Kamçatkada güclü zəlzələ sunami təhlükəsi yaratdı - milyonlarla insan təxliyə edilir
Kamçatkada baş verən güclü zəlzələdən sonra Sakit okean regionunda sunami təhlükəsi hələ də qalmaqdadır və bu, kütləvi təxliyələrə səbəb olub.
Crossmedia.az xəbər verir ki, bu barədə NBC News məlumat yayıb.
Artıq 5 metrə qədər yüksəklikdəki dalğalar Rusiya sahillərinə çırpılaraq Şimalı Kurilskdə dağıntılara yol açıb.
Yaponiyada dalğaların hündürlüyü 1,3 metrə çatıb, təxminən 2 milyon insan təxliyə edilib.
Havay adalarında suyun sahildən geri çəkilməsi müşahidə olunur, həyəcan siqnalları verilir. Minlərlə insan təhlükəli əraziləri tərk edir, nəticədə yollarda böyük tıxaclar yaranıb.
Sunami təhlükəsi Alyaska, ABŞ-ın qərb sahilləri, Kanada və Latın Amerikası ölkələri üçün də elan olunub.
Nigar Rəhimova
16:43 30.07.2025
Oxunuş sayı: 1125
