Kreml Moldovanın daxili işlərinə qarışmaqda ittiham olunur
Moldova Prezidenti Maya Sandu Rusiyanın ölkədə keçiriləcək parlament seçkilərinə müdaxilə etməyə hazırlaşdığını bəyan edib. Onun sözlərinə görə, Moskvanın məqsədi seçkilər vasitəsilə ölkə üzərində nəzarəti ələ keçirməkdir.
Crossmedia.az xəbər verir ki, bu barədə xarici KİV məlumat yayıb.
Sandu bildirib ki, Kreml qaçaq milyarder İlan Şorun dəstəklədiyi siyasi layihələrə investisiya yatırır. Şor öz tərəfdarlarını parlamentə salmağa çalışır.
Prezident əlavə edib ki, Rusiya seçkilərdə seçicilərin pulla ələ alınması, kriptovalyuta vasitəsilə qanunsuz maliyyələşdirmə, ödənişli etiraz aksiyalarının təşkil olunması və ölkənin infrastrukturuna qarşı kiberhücumlar planlaşdırır.
Qeyd edək ki, Moldovada parlament seçkilərinin sentyabrda keçirilməsi planlaşdırılır.
Fatimə Məmmədova
16:09 30.07.2025
Oxunuş sayı: 6267
