Rusiya yeni səfərbərlik qanunu ilə NATO ilə müharibəyə hazırlaşır
Rusiya
hökumətinin qəbul etdiyi yeni səfərbərlik qanunu Kreml rəhbərliyinin mümkün
NATO ilə toqquşmaya hazırlaşdığını göstərir.
Crossmedia.az
xəbər verir ki, bu barədə “Kyiv Independent”
məlumat yayıb.
Yeni
qanunvericilik səfərbərlik, hərbi vəziyyət və müharibə anlayışlarını Rusiya
qanunvericiliyinə birbaşa daxil edir. Ekspertlər hesab edir ki, bu dəyişikliklər
Rusiyanın uzunmüddətli müharibəyə, hətta NATO ilə qarşıdurmaya hazırlaşdığını təsdiqləyir.
Qanuna
əsasən, hərbi çağırış bildirişləri elektron formada göndəriləcək və çağırışdan
yayınan şəxslərə qarşı məhkəməsiz sanksiyalar tətbiq ediləcək. Səfərbərlikdən
imtina edən və ya ordudan qaçan şəxslər üçün cəzalar daha da sərtləşdirilib.
Həmçinin
ehtiyatda olan hərbi qulluqçular üçün təlimlər genişləndirilib, zabitlər üçün
maksimum yaş həddi 70-ə qədər qaldırılıb. Yeni qaydalar çərçivəsində ölkədən
çıxışa da məhdudiyyətlər tətbiq edilə bilər.
Hərbi
analitiklər bildirirlər ki, bu qanun yalnız Ukraynada döyüşlərin davam etməsi
üçün deyil, eyni zamanda Rusiyanın NATO ilə mümkün qarşıdurmaya strateji
baxımdan hazırlaşmasının göstəricisidir.
Beynəlxalq
müşahidəçilərin fikrincə, Rusiya müdafiə sənayesini tam şəkildə hərbi rejimə
uyğunlaşdırır və ölkənin daxili resurslarını uzunmüddətli müharibə üçün səfərbər
edir. Hazırda Rusiya hərbi xərcləri ÜDM-in 6 faizini təşkil edir ki, bu da
postsovet dövründə rekord göstəricidir.
Müxtəlif
kəşfiyyat məlumatları Rusiyanın NATO ilə sərhədə yaxın bölgələrdə xüsusilə
Finlandiya sərhədi boyunca hərbi infrastrukturunu genişləndirdiyini də təsdiqləyir.
Nigar
Rəhimova
00:30 30.07.2025
Oxunuş sayı: 1985
