Suriya Demokratik Qüvvələri vahid orduya birləşməyə hazır olduqlarını bildirib
Suriya
Demokratik Qüvvələrinin (SDQ) baş komandanı Məzlum Abdi bildirib ki, SDQ
(PKK/YPG terror təşkilatı ilə əlaqələndirilir) yeni Dəməşq hakimiyyətinin rəhbərliyi
altında vahid Suriya Silahlı Qüvvələrinin tərkibinə daxil olmağa qarşı deyil.
Crossmedia.az
xəbər verir ki, bu barədə “Al Hadath” telekanalı məlumat yayıb.
“10
mart tarixində yeni Suriya hakimiyyəti ilə əldə olunan razılaşmaya sadiqik,
lakin onun icrası zaman tələb edir”, – deyə Abdi qeyd edib.
O,
SDQ-nin Suriya mərkəzi hökuməti ilə “vahid ordu və vahid bayraqla vahid Suriya”
ideyasını dəstəklədiyini vurğulayıb.
Komandanın
sözlərinə görə, SDQ sıralarından 100 min silahlı döyüşçünün Suriya Müdafiə
Nazirliyinin tərkibinə inteqrasiyası “genişmiqyaslı əməliyyatdır”. O bildirib
ki, Suriyada iki yox, bir ordu olacaq və bu ordu mərkəzləşdirilmiş silahlı qüvvə
kimi fəaliyyət göstərəcək.
Abdi həmçinin əlavə edib ki, SDQ və Dəməşq “vahid Suriya” ideyasında həmfikirdirlər, lakin onun fikrincə, “decentralizasiya ölkənin parçalanması demək deyil”. O qeyd edib ki, yeni hökumət “kürd dili və kürd mədəni ənənələri ilə bağlı tələblərimizi qəbul etməyə hazır olduğunu bildirib”.
Fatimə
Məmmədova
16:56 29.07.2025
Oxunuş sayı: 6835
