Türkiyə Suriyada hərbi hava və dəniz bazaları qurmağa hazırlaşır
Türkiyə hökuməti Suriyada "terrora qarşı mübarizə" strategiyası çərçivəsində bölgədə yeni hava və dəniz hərbi bazalarının yaradılmasını nəzərdən keçirir.
Crossmedia.az xəbər verir ki, türk mətbuatının yaydığı məlumata görə, Ankara eyni zamanda Suriya hökumətinə ordu və təhlükəsizlik qüvvələrinin yenidən təşkili prosesində dəstək göstərməyi planlaşdırır.
Mənbələrin bildirdiyinə görə, Türkiyənin əsas məqsədi bölgədə sabitliyin təmin olunması və milli təhlükəsizlik maraqlarının qorunmasıdır:
“Türkiyə Suriya ərazisində həm hərbi, həm də strateji mövcudluğunu möhkəmləndirməyə çalışır”, – deyə məlumatda qeyd olunur.
Xatırladaq ki, Türkiyə Silahlı Qüvvələri artıq Suriyanın şimalında bir sıra hərbi mövqelərdə fəaliyyət göstərir. Yeni bazaların qurulması isə Ankara ilə Dəməşq arasında münasibətlərin normallaşması yönündə atılan addımlar fonunda həyata keçirilə bilər və bölgədə yeni geosiyasi düzənin formalaşmasına səbəb ola bilər.
20:25 25.05.2025
Oxunuş sayı: 9948
