Xarici xəbərlər
İsveçdə Rusiya səfirliyinə dronla hücum edilib - YENİLƏNİB
Mayın 25-nə keçən gecə naməlum şəxslər Rusiyanın İsveçdəki səfirliyinə dronla boya qutusu atıblar.
Crossmedia.az xarici KİV-ə istinadən xəbər verir ki, Rusiya Xarici İşlər Nazirliyinin rəsmi nümayəndəsi Mariya Zaxarova məsələ ilə bağlı açıqlama verərək İsveçə etiraz notası göndəriləcəyini bildirib.
O, İsveç hakimiyyətini radikal qrupları sakitləşdirməyə və vəziyyətə nəzarəti təmin etməyə çağırıb.
Zaxarova həmçinin qeyd edib ki, İsveç Vyana Konvensiyasının tələblərinə ciddi şəkildə əməl etməlidir.
18:31
XXX
Mayın 25-nə keçən gecə naməlum şəxslər Rusiyanın İsveçdəki səfirliyinin ərazisinə dron vasitəsilə boya qutusu atıblar.
Crossmedia.az xəbər verir ki, hadisə nəticəsində insanlara xəsarət yetirilməsə də, diplomatik nümayəndəlik bunu təhlükəli insident kimi qiymətləndirib.
Səfirliyin "Telegram" kanalında yayılan məlumata görə, dronla atılan qutunun şüşədən olması ciddi təhlükə yaradıb.
Diplomatik missiya bu hücumun məsuliyyətini İsveç hakimiyyətinin üzərinə qoyub və ərazidə təhlükəsizliyin təmin olunmadığını bildirib.
Qeyd edək ki, bu, səfirliyə qarşı son bir il ərzində törədilən ilk hücum deyil. 2024-cü ilin noyabrında da oxşar formada boya qutusu atılmış, nəticədə diplomatik əmlaka ziyan dəymişdi. 2025-ci ilin yanvarında isə Ukrayna vətəndaşı səfirliyin qapılarına avtomobillə çırpılmağa cəhd göstərmişdi.
Hazırda hadisə ilə bağlı araşdırma aparılır.
Aybəniz Səfərova
22:52 25.05.2025
Oxunuş sayı: 10966
