Xarici xəbərlər
Tramp: “Dünyanın ən güclü ordusunu mən qurmuşam”
“Dünyanın ən güclü ordusunu mən qurmuşam”.
Crossmedia.az xəbər verir ki, bunu ABŞ prezidenti Donald Tramp West Point Hərbi Akademiyasının buraxılış mərasimində çıxışında bildirib.
Miçi Stadionunda keçirilən mərasimdə kursantlara müraciət edən Tramp, onları “bəşəriyyət tarixinin ən görkəmli hərbi akademiyasının məzunları” adlandırıb:
“Siz dünyanın indiyədək gördüyü ən böyük və ən güclü ordusunun zabitləri olacaqsınız. Bunu bilirəm, çünki həmin ordunu yenidən mən qurmuşam”, – deyə o, bildirib.
Prezident həmçinin ABŞ ordusunun əsas missiyasını da qeyd edib: “Düşmənləri əzmək, onları məhv etmək və ABŞ bayrağını qorumaq”.
Çıxışının davamında Tramp “Qızıl Qübbə Raket Müdafiə Sistemi” ilə bağlı da ətraflı məlumat verib.
Onun sözlərinə görə, sistem qurudan, dənizdən və kosmosdan gələn hücumlara qarşı ölkəni müdafiə etmək gücünə malikdir:
“O qədər qabaqcıl texnologiyadır ki, təsəvvür edin – sanki havada güllə atırsınız. Ümid edirik ki, bu sistemdən istifadə etməyə ehtiyac olmayacaq, lakin təhlükələr qarşısında hazırlıqsız qala bilmərik”, – deyə ABŞ lideri əlavə edib.
Aybəniz Səfərova
04:16 25.05.2025
Oxunuş sayı: 13091
