Pakistan müdafiə naziri: Hindistan terror aktından regionu qeyri-sabitləşdirmək üçün istifadə edir
Pakistanın müdafiə naziri bildirib ki, Hindistan radikal “Ləşkər-i-Tayyibə” qruplaşmasının terrorçularını Pakistanla əlaqələndirmək üçün heç bir sübut təqdim etməyib. Crossmedia.az bildirir ki,nazir qeyd edib ki, Yeni Dehli bu terror aktından regionda vəziyyəti qeyri-sabitləşdirmək üçün istifadə edib.
“Onlar heç vaxt Pakistanı ittiham etmək üçün sübut təqdim etmirlər, sadəcə, öz maraqlarına uyğun vəziyyət yaratmağa çalışırlar. Bu hadisələrlə heç bir əlaqəmiz yoxdur”,– deyə Xavadja Asıf vurğulayıb.
Nazir həmçinin əlavə edib ki, Pakistanın təhlükəsizlik orqanları hadisənin “tamamilə planlaşdırılmış” və məqsədli şəkildə regionda sabitliyi pozmaq məqsədi daşıdığını müəyyən ediblər.
Fidan Xəlilova
14:50 25.04.2025
Oxunuş sayı: 9333
