Britaniyada müharibə ehtimalı ilə bağlı xəbərdarlıq
Böyük Britaniya hərbçiləri yaxın gələcəkdə müharibədə iştirak etməli ola bilərlər.
Crossmedia.az xəbər verir ki, bu barədə Britaniya Quru Qoşunlarının Baş Qərargah rəisi, general Roli Uokerin açıqlamasında bildirib.
General bildirib ki, əvvəllər ölkə müharibədə iştirak etmək üçün əsgərlərə ehtiyac duyacağını düşünmək belə istəmirdi. Lakin onun sözlərinə görə, dünyada mövcud təhlükələr və geosiyasi vəziyyət hərbi xidmət məsələsini yenidən gündəmə gətirib.
Uoker vurğulayıb ki, Britaniya mülki əhalisi də ordunu dəstəkləməli və ölkənin təhlükəsizliyinin təmin olunmasında iştirak etməlidir. O əlavə edib ki, ölkə rəhbərliyi vətəndaşlara müdafiəni təmin etmək üçün müəyyən fədakarlıqlara getməyin vacibliyini izah etməyə çalışacaq.
Qeyd edək ki, Rusiya Prezidenti Vladimir Putin Avropa ölkələrinə qarşı müharibə hazırlığı ilə bağlı iddiaları dəfələrlə yalan adlandırıb. O bildirib ki, Rusiyanın Avropa ilə müharibəyə hazırlaşması üçün heç bir səbəb və əsas yoxdur.
20:08 17.10.2026
Oxunuş sayı: 65
