Rumıniyada yerli məhkəmə bu qərarı ləğv edib
Rumıniyada yerli məhkəmə Konstitusiya Məhkəməsinin prezident seçkilərinin nəticələrini ləğv etmək qərarını ləğv edib.
Crossmedia.az xarici mediaya istinadən xəbər verir ki, prezident seçkilərinə cəmi on gün qalmış Ployeşti Apellyasiya Məhkəməsi Konstitusiya Məhkəməsinin ötən ilin noyabrında keçirilmiş prezident seçkilərinin nəticələrini ləğv edən qərarını ləğv edən qərar çıxarıb.
Nəşrin qeyd etdiyi kimi, bu qərar “görünməmiş hüquqi xaos” yaradıb. İddianı kimin qaldırdığı göstərilmir, onun hansısa “xüsusi fərd” olduğu deyilir.
Prokurorluq bu qərardan apellyasiya şikayəti vermək niyyətindədir və vəkillər yekdilliklə bildirirlər ki, Konstitusiya Məhkəməsinin hökmü ləğv edilə bilməz - bu, qanuna ziddir.
Bu qərarı vermiş hakimin mümkün intizam pozuntuları araşdırılacaq.
14:26 25.04.2025
Oxunuş sayı: 9812
