Rusiya Ukraynaya gecə hücumu zamanı 180-dən çox kamikadze PUA işlədib
Rusiya Silahlı Qüvvələri bu gecə Ukraynanın hərbi obyektlərinə genişmiqyaslı hücum həyata keçirib. Məlumata görə, hücum zamanı 180-dən çox “Geran-2” (Shahed-136) tipli kamikadze pilotsuz uçuş aparatından (PUA) istifadə olunub.
Crossmedia.az xarici mediaya istinadən xəbər verir ki, bu PUA-lar əvvəlcə hədəfdən bir neçə kilometr aralıda toplaşaraq qruplar halında hərəkət edir, daha sonra isə birlikdə hədəfə hücum edirlər. Bu taktika Ukrayna Silahlı Qüvvələrinin artıq zəifləyən hava hücumundan müdafiə sistemini daha da yükləyir.
Görünən odur ki, Rusiya Silahlı Qüvvələri yeni hücum taktikasını aktiv şəkildə tətbiq edərək Ukraynaya qarşı kütləvi zərbələrini davam etdirir.
17:12 30.03.2025
Oxunuş sayı: 1307
