Yəmən mənbələri: Trampın hücumlarının uğursuzluğu daha pis nəticələr doğura bilər
Yəmən mənbələri bildirir ki, ABŞ prezidenti Donald Trampın mümkün hücumlarının uğursuzluğu Səudiyyə Ərəbistanı, BƏƏ və hazırkı Bayden administrasiyasının məğlubiyyətlərindən daha ağır nəticələr doğura bilər. Onların fikrincə, bu hücumlar gözlənilən təsiri verməyəcək və əksinə, “əks nəticəyə” gətirib çıxaracaq.
Crossmedia.az Yəmən mənbələrinə istinadən xəbər verir ki, Yəmən qüvvələrinin iddialarına görə, ABŞ-nin hədəf aldığı ərazilərin əksəriyyəti əvvəlcədən boşaldılmış, dağıdılmış və dəfələrlə bombalanmış bölgələrdir. Bu səbəbdən Vaşinqton bu hücumlardan daxili siyasi maraqları üçün istifadə etməyə və yeni strategiyalar axtarmağa çalışır.
Məlumatlara görə, ABŞ-nin regional müttəfiqləri ilə apardığı məsləhətləşmələr üç əsas nəticəyə gətirib çıxarıb: Yəmən İslam İnqilabının rəhbərliyinin aradan götürülməsi – regionda aktiv fəaliyyət göstərən liderlərin hədəfə alınması, Ədən istiqamətində daxili qarşıdurmaların gücləndirilməsi – Yəmənin şərqində zəif dəstəyi olan müxalif qüvvələrin fəallaşdırılması, Hodeydada mini-hərbi əməliyyatın keçirilməsi – Normandiya desantına bənzər hücum planlarının hazırlanması.
Mütəxəssislər hesab edirlər ki, ABŞ-nin bu addımları qlobal səviyyədə daha geniş məğlubiyyətə səbəb ola bilər. Bunun nə dərəcədə reallaşacağını isə zaman göstərəcək.
17:05 30.03.2025
Oxunuş sayı: 1437
