Moskvanın mərkəzində partlayış: Putinin limuzini alovlara büründü
Rusiyanın paytaxtı Moskvada, Federal Təhlükəsizlik Xidmətinin (FSB) baş qərargahı yaxınlığında prezident Vladimir Putinə aid olan limuzində partlayış baş verib.
Crossmedia.az xarici mənbəyə istinadən xəbər verir ki, hadisədən sonra avtomobil alovlara bürünüb.
Məlumata görə, partlayış nəqliyyat vasitəsinin mühərrikində başlayıb və qısa müddətdə salonu əhatə edib.
Alov avtomobilin olduğu küçəni qatı tüstüyə bürüdüyü üçün ilkin müdaxiləni ərazidəki restoran işçiləri həyata keçirib.
Kremlin Prezident Əmlakının İdarə Edilməsi Müdirliyinə ayrıldığı bildirilən avtomobilin, sükanı arxasında kimin olduğu və partlayışa nəyin səbəb olduğunu helə ki, açıqlamayıb.
Son illərdə Rusiya liderinin təhlükəsizliyinin gücləndirilməsi istiqamətində geniş tədbirlər görülür. Kremlin açıqlamalarına görə, Vladimir Putinə qarşı istənilən sui-qəsd cəhdi ciddi cavabla qarşılanacaq.
Qeyd edək ki, Putin rəsmi səfərlərində öz limuzin parkından istifadə edir və bu avtomobilləri daha əvvəl Şimali Koreya lideri Kim Çen In da daxil olmaqla bir sıra dünya liderlərinə hədiyyə edib.
Aybəniz Səfərova
11:29 30.03.2025
Oxunuş sayı: 9461
