Bu ölkə 2030-cu ildə Avropanın ən güclü hava donanmasına sahib olacaq
Türkiyə geosiyasi vəziyyətin dəyişməsi fonunda Hərbi Hava Qüvvələrinin döyüş qabiliyyətini gücləndirmək üçün genişmiqyaslı modernləşmə proqramı həyata keçirir.
Crossmedia.az xəbər verir ki, hazırda ölkə bu sahədə dəyəri 100 milyard dolları aşan 1000-dən çox layihə üzərində çalışır.
2030-cu ilə qədər Türkiyə Hərbi Hava Qüvvələrinin arsenalında 300-dən çox pilotlu və 100-dən çox pilotsuz qırıcı yer alacaq. Bu proses Türkiyəni Avropanın ən böyük və döyüşə ən hazırlıqlı hava donanmasına sahib ölkələrdən birinə çevirəcək.
Modernləşmə proqramı çərçivəsində Türkiyə 230 ədəd F-16 Block 30/40/50 təyyarəsini yeniləyir. OZGÜR-2 layihəsi ilə bu təyyarələr Block 70 səviyyəsinə çatdırılır. Bundan əlavə:
70 təyyarəyə AESA Murad-200A radarı və IRST sistemi inteqrasiya ediləcək.
40 ədəd F-16 Block 70 üçün AESA APG-83 radarı quraşdırılacaq.
Elektron müharibə qabiliyyətinin artırılması üçün "Murad-600A AESA" radarı və "Burfis Elektron Müharibə Sistemi" istifadəyə veriləcək.
"ToyGun-100 Elektro-Optik Sistemi" döyüş effektivliyini artıracaq.
Türkiyə, müdafiə sənayesində texnoloji irəliləyişlər edərək dünyada az sayda ölkənin ixtisaslaşdığı sahələrdə innovativ layihələr həyata keçirməyi hədəfləyir. Bu təşəbbüslər, ölkənin hava müdafiə qüdrətini yeni mərhələyə yüksəldəcək.
09:31 30.03.2025
Oxunuş sayı: 1308
