Nöqsana yol verən deputat mandatdan məhrum edildi
Qırğızıstanın Mərkəzi Seçki Komissiyası (MSK) deputat Sultanbay Ayjigitovu mandatdan məhrum etmək barədə qərar qəbul edib.
Crossmedia.az xarici KİV-ə istinadəın xəbər verir ki, qərarın qəbul edilməsinə səbəb Milli Təhlükəsizlik Komitəsinin (MTN) Ayjigitovun deputatlığa namizəd kimi qeydə alınması zamanı qanun pozuntularına yol verildiyini göstərən materialları təqdim etməsi olub.
Sultanbay Ayjigitov isə bu iddiaları rədd edir. O, seçkilərdən əvvəl – dörd il öncə Daxili İşlər Nazirliyindən (DİN) cinayət tərkibinin olmaması barədə arayış aldığını bildirib.
Deputat həmçinin MSK-nın qərarına MTN və Prokurorluğun təzyiq göstərdiyini iddia edir. Onun sözlərinə görə, bu addım Tacikistanla sərhədin delimitasiyası ilə bağlı səsləndirdiyi tənqidi fikirlərlə əlaqəlidir.
08:34 30.03.2025
Oxunuş sayı: 6743
