ABŞ müdafiə nazirindən qəribə addım: Gizli görüşlərə həyat yoldaşı ilə gedir…
ABŞ-nin müdafiə naziri (Pentaqon rəhbəri) Pit Hegset həyat yoldaşı Cenniferi – keçmiş Fox News prodüserini – iki dəfə Böyük Britaniya və NATO rəsmiləri ilə bağlı qapılar arxasında keçirilən danışıqlara aparıb. Bu görüşlərdə Ukraynaya silah tədarükü və kəşfiyyat məlumatlarının mübadiləsinin dayandırılması müzakirə edilib.
Crossmedia.az xəbər verir ki, bu barədə "The Wall Street Journal" nəşri məlumat yayıb.
Bildirilib ki, Cennifer Hegsetin Pentaqonda heç bir rəsmi statusu yoxdur və onun məxfi məlumatlara çıxış icazəsinin olub-olmadığı bilinmir. Görüşlərin bəzi iştirakçıları onun orada olmasına təəccüblənsələr də, sual verməkdən çəkiniblər.
Məlumata görə, bu, Hegsetin ilk dəfə tənqidə məruz qalması deyil. Daha əvvəl o, hərbi planları “Signal” social şəbəkəsində müzakirə etmişdi və həmin çatda bir jurnalistin olduğu ortaya çıxmışdı. Bundan əlavə, müdafiə sahəsinə aidiyyəti olmayan qardaşı milli təhlükəsizlik sahəsində vəzifəyə təyin edilib və naziri beynəlxalq səfərlərdə müşayiət edir.
Pərvin Hacıyeva
02:39 30.03.2025
Oxunuş sayı: 7771
