Trampdan Xamneyiyə qeyri-rəsmi məktub: “Düşmənçiliyi bir kənara qoymağın vaxtıdır”
ABŞ prezidenti Donald Trampın İranın ali dini rəhbəri Əli Xamneyiyə ünvanladığı məktubun məzmunu yayılıb.
Crossmedia.az xarici mediaya istinadən xəbər verir ki, Tramp məktubunda Tehranla münasibətlərdə yeni səhifə açmağın mümkün olduğunu bildirib.
“Zati-aliləri Ayətullah Xamenei,
Sizin mövqeyinizə və İran xalqına hörmətlə bu mesajı Sizə yazıram ki, illərdir şahidi olduğumuz münaqişə və anlaşılmazlıqlardan uzaq münasibətlərimiz üçün yeni üfüqlər açaq. Düşmənçiliyi bir kənara qoyub, qarşılıqlı əməkdaşlıq və hörmətə əsaslanan yeni bir səhifə açmağın vaxtıdır.”
Tramp ABŞ-nin sanksiyaların qaldırılması, İran iqtisadiyyatının gücləndirilməsi və qarşılıqlı əməkdaşlıq üçün addımlar atmağa hazır olduğunu vurğulayıb:
“Biz sanksiyaların qaldırılması, İran iqtisadiyyatının gücləndirilməsi və ölkələrimiz arasında əməkdaşlıq qapılarının açılması üçün birgə işləyə bilərik. Bu, yalnız xalqlarımızın maraqlarına deyil, həm də Yaxın Şərq və bütün dünyanın sabitliyi və sülhünə xidmət edəcək.”
Lakin keçmiş prezident İranın eskalasiya siyasətini davam etdirməsi halında qəti və sürətli cavab veriləcəyini də qeyd edib:
“Əgər bu uzadılmış əli rədd etsəniz və İran rejimi eskalasiya yolunu, terror təşkilatlarına dəstək və hərbi avantüralar siyasətini davam etdirməyi seçsə, bizim cavabımız qətiyyətli və sürətli olacaq. Rejiminizin xalqımıza və müttəfiqlərimizə qarşı təhdidləri qarşısında sakit qalmayacağıq.”
Tramp İranı dialoqa dəvət edərək bildirib ki, “Əgər danışıqlara hazır olsanız, biz də hazırıq. Lakin dünya ictimaiyyətinin tələblərinə məhəl qoymamaqda israr etsəniz, tarix yazacaq ki, Siz böyük bir fürsəti qaçırdınız.”
23:50 29.03.2025
Oxunuş sayı: 8892
