ABŞ-nin Ukrayna ilə bağlı mövqeyi ölkə daxilində fikir ayrılığı yaradıb
Amerikalıların 46%-i ölkələrinin Ukraynaya kifayət qədər yardım etmədiyini düşünür.
Crossmedia.az xəbər verir ki, bu barədə “Gallup News”un hazırladığı materialda bildirilib.
Məlumata görə, demokratların 79%-i və müstəqil seçicilərin 46%-i Ukraynaya daha çox dəstək verilməsini istəyir. Respublikaçıların isə 56%-i yardımların həddindən artıq olduğunu düşünür.
Sorğu nəticələrinə əsasən, ABŞ vətəndaşlarının 53%-i Ukraynanın işğal olunmuş torpaqlarını geri qaytarmasını dəstəkləyir. 63% isə müharibədə heç bir tərəfin qalib gəlmədiyini düşünür.
Respondentlərin 79%-i Rusiyanın sülh sazişinə əməl etməyəcəyindən narahatdır. Əgər bu baş verərsə, 64% ABŞ-nin Ukraynaya əlavə silah göndərilməsini dəstəkləyir.
Fatimə Məmmədova
23:20 29.03.2025
Oxunuş sayı: 10330
