Aİ-nin Ukrayna üzrə xüsusi nümayəndəsinin təyin olunması təklif edilir
Finlandiya Prezidenti Aleksander Stubb Avropa İttifaqının (Aİ) Ukrayna üzrə xüsusi nümayəndəsinin təyin olunmasını təklif edib. Onun sözlərinə görə, ilk olaraq ABŞ-nin Səudiyyə Ərəbistanındakı görüşdə iştirak edən nümayəndə heyətinə bənzər bir müzakirə qrupu yaradılmalıdır.
Crossmedia.az xəbər verir ki, bu barədə xarici KİV məlumat yayıb.
“Bizə iki əsas şey lazımdır. Birincisi, amerikalılar, ukraynalılar və ruslar kimi bir müzakirə qrupu formalaşdırmalıyıq. Onlar Ər-Riyadda iştirak ediblər. Növbəti mərhələdə isə bütün prosesləri əlaqələndirəcək və cavabdeh olacaq xüsusi nümayəndə təyin edilməlidir. Çünki hazırda Fransa və Böyük Britaniya bu məsələdə liderlik etməsinə baxmayaraq, hələ də əsas sual açıq qalır”, – deyə Stubb bildirib.
Fatimə Məmmədova
20:32 29.03.2025
Oxunuş sayı: 11162
