Trampdan Xamneyiyə məktub: “Sanksiyaları qaldırıb əməkdaşlıq edə bilərik”
İran mətbuatında ABŞ prezidenti Donald Trampın İranın ali lideri Əli Xamneyiyə göndərdiyi məktubun məzmununu dərc edib.
Crossmedia.az xarici mətbuata istinadən xəbər verir ki, məktubda Tramp ABŞ-nin gərginliyin azaldılması və sülh istiqamətində mühüm addımlar atmağa hazır olduğunu bildirib:
“Biz birlikdə sanksiyaları qaldıra, İran iqtisadiyyatını gücləndirə və iki ölkə arasında əməkdaşlıq üçün yeni qapılar aça bilərik.”
Bununla belə, Tramp İran rejiminin eskalasiya, terror təşkilatlarına dəstək və hərbi macəralar yolunu seçəcəyi halda, ABŞ-nin qətiyyətli və sürətli cavab verəcəyini vurğulayıb:
“Biz sizin rejimin xalqımıza və müttəfiqlərimizə qarşı təhdidləri qarşısında boş oturmayacağıq.”
Prezident İranı dialoqa dəvət edərək bildirib ki, “Əgər siz danışıqlara hazırsınızsa, biz də hazırıq. Amma sülh tələblərinə məhəl qoymamağa davam etsəniz, tarix sizin böyük bir fürsəti əldən verdiyinizi yazacaq.”
Mədinə Cəlilova
20:15 29.03.2025
Oxunuş sayı: 1266
