ABŞ-dan Suriyada Ramazan bayramı üçün xəbərdarlıq: “Dövlət qurumlarına hücum ola bilər”
ABŞ-nin Suriyadakı səfirliyi Amerika vətəndaşlarını Ramazan Bayramı günlərində hücumların artma ehtimalı barədə xəbərdar edib.
Crossmedia.az xəbər verir ki, səfirliyin rəsmi internet saytında yayımlanan açıqlamada bildirilir ki, bayram günlərində Dəməşqdəki səfirliklər, beynəlxalq təşkilatlar və Suriya dövlət qurumları hücumların hədəfi ola bilər.
Açıqlamada vurğulanır: “Mümkün hücum üsulları arasında fərdi silahlı hücumlar və ya partlayıcı qurğuların istifadəsi ola bilər, ABŞ hökuməti öz vətəndaşların terror, daxili qarışıqlıq, adam oğurluğu, girov götürmə, silahlı toqquşmalar və əsassız həbslər kimi ciddi risklərə görə Suriyaya səyahət etməmələrini tövsiyə edir”.
ABŞ vətəndaşlarından Ramazan Bayramı günlərində xüsusi ehtiyatlı olmaları və təhlükəsizlik tədbirlərinə riayət etmələri tələb olunur.
Mədinə Cəlilova
17:59 29.03.2025
Oxunuş sayı: 1615
