Ermənistan müharibəyə hazırlaşır, xalq milisinin yaradılması nəzərdə tutulur
Ermənistanda xalq milisinin yaradılması nəzərdə tutulur.
Crossmedia.az xəbər verir ki, bu barədə Ermənistanın “Past” nəşri yazıb.
Nəşr qeyd edib ki, belə bir təşəbbüsü “Ümumerməni Cəbhəsi” hərəkatının lideri, erməni general-mayor Arşak Karapetyan və “Erməni milisi” hərbi-siyasi birliyi şurasının sədri Albert Bazeyan tərəfindən təsis edilmiş “Ümumaməni Milli Birlik Şurası” birliyi irəli sürüb.
Nəşr bildirib ki, Ermənistan üçün son dərəcə təhlükəli olan bu vəziyyətdə “Ümumerməni Milli Birlik Şurası” birliyə və Ermənistan hökumətinin apardığı məğlubiyyətçi siyasətə qarşı müqavimətə çağırır.
“Dövlətimizin və xalqımızın təhlükəsizliyini təhdid edən hər hansı sənədin imzalanmasına imkan verməməliyik. Lazım gələrsə, hər birimiz öz hərbi bilik və təcrübəmizlə öz töhfəmizi verərək, Ermənistan ordusunun əsgərlərinin yanında olmağa və rəqibə layiqli cavab verməyə hazırıq”, - deyə birlik bəyan edib və xalq milisləri sıralarında qeydiyyatdan keçməyə çağırıb.
17:16 29.03.2025
Oxunuş sayı: 8238
