Tramp: Kanada və Hindistanla gömrük razılaşması mümkündür, amma rüsumlar arta bilər
ABŞ Prezidenti Donald Tramp, ölkəsinin Kanada və Hindistanla gömrük rüsumları məsələsində sonda razılığa gələcəyinə əmin olduğunu bildirib.
Crossmedia.az Ağ Evdə jurnalistlərin suallarını cavablandıran Tramp, ABŞ-Kanada münasibətlərinin müsbət istiqamətdə inkişaf etdiyini vurğulayıb:
"Düşünürəm ki, Kanada və ABŞ arasında işlər çox yaxşı gedəcək. Eyni zamanda, Hindistanla da ölkəm arasında işlər çox yaxşı olacaq”, – deyə o qeyd edib.
Bununla yanaşı, prezident ehtimal olunan ticarət mübahisələrinə də toxunub. O bildirib ki, əgər iki ölkə arasında de-fakto ticarət müharibəsi baş verərsə, ABŞ Kanadadan idxal olunan məhsullara tətbiq edilən gömrük rüsumlarını daha da artırmağa hazırdır.
13:15 29.03.2025
Oxunuş sayı: 979
