Suriya və Livan müdafiə nazirləri sərhəd təhlükəsizliyi üçün razılaşma imzaldı
Suriya və Livanın müdafiə nazirləri Səudiyyə Ərəbistanının vasitəçiliyi ilə sərhədin demarkasiyası və təhlükəsizlik təhdidlərinin həlli məqsədilə xüsusi komitələrin yaradılması barədə saziş imzalayıblar.
Crossmedia.az xarici KİV-ə istinadən xəbər verir ki, razılaşmaya əsasən, yeni komitələr iki ölkə arasındakı sərhəd xəttinin dəqiqləşdirilməsi və terror, qaçaqmalçılıq kimi təhlükəsizlik problemlərinə qarşı mübarizə aparmaq üçün birgə tədbirlər görəcək. Bu addım regionda sabitliyin möhkəmləndirilməsi və iki ölkə arasındakı münasibətlərin normallaşmasına töhfə vermək məqsədi daşıyır.
Sazişin Səudiyyə Ərəbistanının vasitəçiliyi ilə əldə olunması Ər-Riyadın regional diplomatik rolunu gücləndirdiyini və Suriya ilə Livan arasındakı strateji əməkdaşlığın inkişafına yönəldiyini göstərir. Mütəxəssislər bu addımı regionda təhlükəsizliyin və siyasi sabitliyin möhkəmləndirilməsi istiqamətində mühüm addım kimi qiymətləndirirlər.
15:10 29.03.2025
Oxunuş sayı: 10469
