Cey Di Vens: Vaşinqton Qrenlandiyanın təhlükəsizliyini və iqtisadiyyatını gücləndirməyə hazırdır
ABŞ-nin vitse-prezidenti Cey Di Vens Danimarkanın Qrenlandiyanın təhlükəsizliyini təmin edə bilmədiyini bildirib və prezident Donald Trampın adanı daha təhlükəsiz və iqtisadi baxımdan güclü etməyə hazır olduğunu vurğulayıb.
Crossmedia.az ABŞ mətbuatına istinadən xəbər verir ki, Vens Qrenlandiyadakı Pituffik hərbi bazasına səfəri zamanı bəyan edib ki, Danimarka adada kifayət qədər investisiya qoymayıb və təhlükəsizlik sahəsində lazımi tədbirləri görməyib.
“Bizim Danimarkaya mesajımız çox sadədir: Siz Qrenlandiya xalqı üçün yaxşı işləməmisiniz. Onlara kifayət qədər investisiya qoymamısınız və bu möhtəşəm adanın təhlükəsizlik infrastrukturunu lazımi səviyyədə qurmaqda uğursuz olmusunuz,” – deyə Vens bildirib.
O əlavə edib ki, Vaşinqton Qrenlandiyanın suverenliyinə hörmət edəcək, adanı hərbi güclə ələ keçirmək fikrində deyil, lakin Rusiyadan və ya Çindən gələn təhdidlərə qarşı müdafiə üçün öz silahlı qüvvələrini yerləşdirə bilər.
Məlumata görə, Vensin bəyanatı ABŞ-nin Qrenlandiyanı öz ərazisi kimi deyil, müstəqil bir dövlət kimi görmək istədiyini və təhlükəsizlik və iqtisadi sahədə tərəfdaşlıq təklif etdiyini göstərir.
Mədinə Cəlilova
13:10 29.03.2025
Oxunuş sayı: 7609
