Rusiya və ABŞ Qara dəniz taxıl sazişi üzrə mürəkkəb danışıqlara hazırlaşır
Gələn bazar ertəsi Rusiya və ABŞ arasında Qara dəniz taxıl təşəbbüsünün bərpası ilə bağlı keçiriləcək danışıqlar asan olmayacaq.
Crossmedia.az TASS-a istinadən xəbər verir ki, bu barədə Rusiya liderinin mətbuat katibi Dmitri Peskov məlumat verib.
"Biz Rusiya Federasiyası Prezidenti Vladimir Putinin Qara dəniz təşəbbüsünün bərpasına razılığını müzakirə etməyi nəzərdə tuturuq. Danışıqlar aparan nümayəndələrimiz bu məsələnin ətrafında olan detalları müzakirə etməyə hazırdırlar, lakin bu detallar olduqca çoxdur " – deyə Kremlin nümayəndəsi bildirib.
"Əvvəllər BMT-nin Baş katibi Antonio Quterreş Qara dəniz sazişinin təminatçısı kimi çıxış edəndə biz bütün öhdəliklərimizi yerinə yetirdik, lakin bizə qarşı götürülən öhdəliklər yerinə yetirilmədi. Buna görə də qarşıda çətin danışıqlar dayanır " – Peskov vurğulayıb.
Zəhra Məmmədova
22:32 23.03.2025
Oxunuş sayı: 12400
