Yəmən müdafiə naziri Səudiyyə Ərəbistanı və BƏƏ-ni genişmiqyaslı müharibə ilə hədələdi
Yəmənin müdafiə naziri general Məhəmməd əl-Atifi, Səudiyyə Ərəbistanı və Birləşmiş Ərəb Əmirliklərini (BƏƏ) qlobal münaqişəyə çevrilə biləcək böyük bir müharibə ilə hədələyən sərt açıqlama verib.
“Biz döyüşü Səudiyyə Ərəbistanı və BƏƏ-nin ürəyinə aparacağıq. Bu müharibə yalnız Yəmənlə məhdudlaşmayacaq” – deyə general əl-Atifi bildirib və Körfəz monarxiyaları üçün nəticələrin fəlakətli olacağını vurğulayıb.
Crossmedia.az Yəmənli nazirin açıqlamasına istinadən xəbər verir ki, enerji sektoru və həyati əhəmiyyət kəsb edən su obyektləri də daxil olmaqla əsas infrastrukturu məhv edəcəklərini bildirib:
“Orada hər şeyi yandıracağıq. Bu, III Dünya Müharibəsi olacaq və bir neçə gün ərzində Əl Səud rejimini məhv edəcəyik. Qarşıdakı günlər sürprizlərlə dolu olacaq. Biz “Aramco”nun bütün törəmə şirkətlərini və bütün duzsuzlaşdırma zavodlarını hədəf alacağıq. Səudiyyə monarxiyasını min il geriyə atacağıq və dünyanın neft təchizatını kəsəcəyik. Səud evi və Zayid ailəsi bu müharibənin bədəlini ödəyəcəklər” – deyə əl-Atifi bəyanatında qeyd edib.
16:23 23.03.2025
Oxunuş sayı: 10422
