Avropada İmamoğlu etirazları: İngiltərə, İtaliya, Hollandiya və digər ölkələrdə aksiyalar keçirilir
İstanbul Böyükşəhər Bələdiyyəsinin (İBB) sədri Əkrəm İmamoğlunun saxlanmasından sonra başlayan etiraz aksiyaları Türkiyə ilə yanaşı dünyanın bir çox şəhərində davam edir.
Crossmedia.az xarici mətbuata istinadən xəbər verir ki, İngiltərə, Almaniya, Hollandiya və İspaniyada İmamoğlunun 19 martda saxlanmasından bəri bir neçə aksiya keçirilib. Bəzi ölkələrdə 23 mart bazar günü üçün yeni etiraz çağırışları edilib.
Londonda ilk aksiya 20 martda Türkiyə səfirliyi qarşısında təşkil olunub. Burada səfirliyin önünə qara çələng qoyan nümayişçilər İmamoğlunun saxlanmasına etiraz ediblər.
CHP-nin yerli təşkilatı və 30-a yaxın siyasi partiya, vətəndaş cəmiyyəti qurumunun çağırışı ilə 22 martda Trafalqar meydanında da etiraz aksiyası keçirilib.
Mədinə Cəlilova
17:08 23.03.2025
Oxunuş sayı: 6590
