Zelenski cəbhə bölgəsini ziyarət etdi: İHA birliklərini yoxladı
Ukrayna Prezidenti Volodimir Zelenski, şiddətli döyüşlərin davam etdiyi Donetsk bölgəsində yerləşən Ukrayna əsgərləri ilə görüşüb.
Crossmedia.az Ukrayna Prezident Administrasiyasının yaydığı yazılı açıqlamaya istinadən xəbər verir ki, Zelenski Donetsk vilayətini ziyarət edərək, Pokrovsk şəhəri istiqamətində döyüş mövqelərində olan Ukrayna hərbçiləri ilə bir araya gəlib.
Zelenski, Ukrayna Silahlı Qüvvələrinin Pokrovsk taktiki qrupunun komanda mərkəzində araşdırmalar apararaq, cəbhədəki son vəziyyətlə bağlı məlumat alıb.
Prezident həmçinin insansız hava aparatı (İHA) birliklərini yoxlayaraq, 59-cu Mexanikləşdirilmiş Briqadanın İHA bölməsində xidmət edən hərbçilərlə görüşüb.
Zelenski ziyarəti çərçivəsində bəzi əsgərlərə dövlət nişanları təqdim edib.
Mədinə Cəlilova
16:56 23.03.2025
Oxunuş sayı: 8026
