Trampın mübahisəli Qəzza planı gündəmdə qalır: “Çox praktik bir fikir”
ABŞ-nin Milli Təhlükəsizlik üzrə müşaviri Mayk Valtz, Prezident Donald Trampın Qəzzadaki fələstinliləri məcburi köçkün etmə planını “çox praktik bir fikir” kimi qiymətləndirib.
Crossmedia.az xarici mediaya istinadən xəbər verir ki, “Fox News”aparıcısı və eyni zamanda Trampın gəlininin suallarını cavablandıran Valtz, Trampın Qəzza sakinlərini zorla köçürmək fikrinin məntiqli olduğunu bildirib.
“O, Qəzzadaki dağıntı və ölüm hallarına baxır. Bir inşaatçı kimi, bu bölgənin təmizlənməsinin illərlə vaxt aparacağını anlayır. Çox sadə bir sual verir: İki milyon insan bu dağıntıların içində 10 il necə yaşayacaq?” – deyə Valtz vurğulayıb.
Valtz, fələstinlilərə Qəzzanı tərk etmək üçün real bir fürsət verildiyi təqdirdə bunu dəyərləndirə biləcəklərini irəli sürüb: “Prezident Trampın dediyi kimi, onlara belə bir təklif heç edilibmi? Kim ailəsini daha təhlükəsiz və yaxşı yaşayış şəraiti olan bir yerə aparmaq imkanını dəyərləndirməz ki?”
Fələstin rəhbərliyi Trampın bu təklifini rədd edərək, planı “etnik təmizləmə” adlandırıb və öz torpaqlarında qalmaq istədiklərini bəyan edib.
Ərəb ölkələri də bu plana qarşı çıxaraq, fələstinliləri yerindən etmədən Qəzzanın yenidən qurulmasına yönəlmiş alternativ bir təklif irəli sürüblər.
Mədinə Cəlilova
16:26 23.03.2025
Oxunuş sayı: 969
