Tramp Xamneyidən bunları tələb ETDİ
Birləşmiş Ərəb Əmirliklərinə yaxın olan politologiya müəllimi Abdulxaliq Abdullah, ABŞ prezidenti Donald Trampın İranın Ali Rəhbəri Ayətullah Xameneyiyə ünvanladığı məktubun mühüm məqamlarını açıqlayıb.
Crossmedia.az xəbər verir ki, məktubda Tramp, İranın müxtəlif fəaliyyətlərinə dair bir sıra sərt tələblər irəli sürüb:
1. İranın nüvə proqramının tamamilə ləğv edilməsi,
2. Uranın zənginləşdirilməsinin dərhal dayandırılması,
3. Yəməndə husilərə silah tədarükünün dərhal dayandırılması,
4. “Hizbullah” qruplaşmasına maliyyə və maddi-texniki dəstəyin dayandırılması,
5. İraqdakı Həşdi-Şəəbi qüvvələrinin ləğvi,
6. Tehran’a tələbləri yerinə yetirmək üçün iki ay vaxt verilməsi.
Məktubda əlavə olaraq, Tramp ABŞ-ın iqtisadi sanksiyaları ləğv edəcəyini və İranın siyasi təcridini sona çatdıracağını, lakin alternativ olaraq genişmiqyaslı hərbi əməliyyatların mümkünlüyünü də vurğulayıb. Danışıqlar üçün Birləşmiş Ərəb Əmirlikləri təklif edilib.
13:14 23.03.2025
Oxunuş sayı: 2380
