Ermənistan Müdafiə Nazirliyinin dezinformasiyaları ifşa edilir
“Ötən gün hökumətin təbliğat maşını və hakim partiya üzvləri gecə saatlarında Basarkeçərin Zod sektorunda atışma olduğunu bütün günü təkzib etməklə məşğul olsalar da, biz yerli sakinlərdən uzun müddətdir atışma olduğuna dair təsdiq aldıq və bir çox insanlar bunu eşidiblər, insanlar necə yalançı təkzib yaydıqlarına təəccübləniblər”.
Crossmedia.az xəbər verir ki, bu barədə Ermənistanın “Hraparak” nəşri yazıb.
Nəşrə görə, ən yüksək səviyyədə dövlət aparatına və ictimaiyyət orqanlarına tapşırılıb ki, Paşinyanın toxuduğu sülh nağılını pozmamaq üçün atışmalar faktı haqqında danışmasınlar.
“Onlar hətta jurnalist Tatul Hakopyanın simasında müasir Artsrun Hovhannisyanı tapıblar. Hakopyan səhər saatlarında onun Basarkeçərdə olduğunu, atışmalarla bağlı xəbərlərin dezinformasiya olduğunu qeyd edib, qısa müddət sonra isə paylaşımı silib, çünki Basarkeçərdən dolayı təsdiqləmələr alınırdı.
Hətta müdafiə naziri Suren Papikyan da parlamentdə jurnalistlərə bildirib ki, Müdafiə Nazirliyi yalnız təhlükəli atışma faktlarını təqdim edir. Bu cür məsələlərdə belə, hökumət düzgün qərarlar qəbul etmir. Əksinə, bu halda reallığı təqdim etmək yalnız ölkəmizin müdafiəsini artırmağa kömək edəcək. Bu davranış onu deməyə əsas verir ki, Paşinyan hökumətinin bir hədəfi var, o da Ermənistan cəmiyyətidir. Paşinyan cəmiyyəti idarə etmək, manipulyasiya etmək və azalmış reytinqinin qalıqlarını saxlamaq üçün əlindən gələni edir”, - deyə nəşr bildirib.
11:33 23.03.2025
Oxunuş sayı: 9552
