Türkiyədə Azərbaycan-Ermənistan sülh danışıqları müzakirə edildi
Türkiyə Prezidenti Rəcəb Tayyib Ərdoğanın sədrliyi ilə Milli Təhlükəsizlik Şurasının iclası keçirilib. Toplantıda terror təşkilatları – İŞİD, FETÖ və PKK/YPG-yə qarşı ölkə daxilində və xaricində aparılan mübarizə, həmçinin Livan və Qəzza zolağında atəşkəsin təmin edilməsi məsələləri müzakirə olunub. Bundan əlavə, Suriyada və Ukraynada baş verən hadisələr də diqqət mərkəzində olub.
Crossmedia.az xəbər verir ki , bu barədə xarici KİV məlumat yayıb.
Belə ki, Milli Təhlükəsizlik Şurası Azərbaycan və Ermənistan arasında sülh sazişi üzrə aparılan danışıqların inkişaf perspektivlərini müzakirə edib. Bildirilib ki, bölgədə daimi sülhün təmin olunması bütün regional aktorların maraqlarına cavab verir.
Bundan əlavə, iclasda Türkiyə ilə Avropa İttifaqı arasında münasibətlərin canlanması vurğulanıb və ölkənin Avropanın təhlükəsizlik arxitekturasında əvəzolunmaz rola malik olduğu qeyd edilib.
Fatimə Məmmədova
10:45 21.03.2025
Oxunuş sayı: 9934
