Albaniya, Xorvatiya və Kosovo müdafiə sahəsində hərbi ittifaq yaratdı
Albaniya, Xorvatiya və Kosovo Tiranada üçtərəfli bəyannamə imzalayaraq müdafiə sahəsində əməkdaşlığı genişləndirmək məqsədilə hərbi ittifaq qurduqlarını elan ediblər.
İmzalanan saziş müdafiə potensialının artırılması, müdafiə sənayesi və texnologiyasının inkişaf etdirilməsi, eləcə də birgə təhsil və təlimlər vasitəsilə hərbi əməkdaşlığın gücləndirilməsinə yönəlib.
Crossmedia.az xəbər verir ki, Serbiya prezidenti Aleksandar Vuçiç bu ittifaqa sərt reaksiya verib və bunu Serb xalqının təhlükəsizliyinə təhdid kimi qiymətləndirib:
"Albaniya və Xorvatiya, Kosovo ilə memorandum imzalayaraq “silahlanma yarışı”na başlamayıblar. Kosovonun qurumları müvəqqətidir. Serbiya bu hərbi inkişafı çətin vəziyyət kimi qəbul edir, lakin öz suverenliyini qorumağa və potensial təcavüzkarların qarşısını almağa hazırdır.”
Balkan regionunda onsuz da gərgin olan münasibətlərin bu addımdan sonra daha da kəskinləşəcəyi gözlənilir.
10:30 21.03.2025
Oxunuş sayı: 1334
