Rusiyada fövqaladə vaziyyət elan edildi
Ukraynanın pilotsuz uçuş aparatları (PUA) ilə hücumu nəticəsində Rusiyanın Engels bölgəsindəki hərbi hava limanı alovlara bürünüb. Hücumun ardından bölgədə fövqəladə vəziyyət elan edilib.
Rusiyalı yerli rəsmilər Ukraynaya məxsus PUA-ların Engels bölgəsində yerləşən hərbi hava limanına hücum təşkil etdiyini bildiriblər. Engelsdəki Rus strateji bombardmançı bazasının yaxınlığında yerləşən hava limanının hücumdan sonra yanğına məruz qaldığı qeyd olunub.
Crossmedia.az bölgə valisi Roman Busargin açıqlamasına əsasən xəbər verir ki, Engels şəhərindəki xəstəxana və bir neçə evin zərər gördüyünü, çox sayda insanın yaralandığını bildirib. O, həmçinin bölgə əhalisinin təxliyə edildiyini açıqlayıb. Busargin Saratov və Engels şəhərlərinə gecə boyu edilən hücumu indiyə qədərki ən güclü hücum adlandırıb.
Engelsdə yerləşən baza, Ukrayna cəbhəsindən təxminən 700 kilometr uzaqlıqda yerləşir və Rusiyanın Tupolev Tu-160 nüvə başlıqlı ağır strateji bombardmançı təyyarələrinə ev sahibliyi edir.
Rusiya Müdafiə Nazirliyi hava hücumundan müdafiə sistemlərinin ölkənin cənubunda yerləşən altı fərqli bölgədə, o cümlədən 54-nün Engels bazasının yerləşdiyi Saratov bölgəsində olmaqla, ümumilikdə 132 Ukrayna PUA-sını vurduğunu açıqlayıb.
Mədinə Cəlilova
23:37 20.03.2025
Oxunuş sayı: 8852
