Fransa hökuməti vətəndaşlara “sağqalma bələdçisi” paylamağı planlaşdırır
Fransa hökuməti, vətəndaşların təbii fəlakətlər, pandemiyalar və silahlı münaqişələr də daxil olmaqla müxtəlif təhlükəli vəziyyətlərə hazırlıqlı olmaları üçün “sağqalma bələdçisi” paylamağı planlaşdırır.
Crossmedia.az CNN-ə istinadən xəbər verir ki, Fransa Baş naziri Fransua Bayrunun sözçüsü bu addımın vətəndaşları “yaxın təhdidlərə” hazırlamaq məqsədi daşıdığını bildirib.
Sözçünün açıqlamasına əsasən, bələdçi təbii fəlakətlər, texnoloji və kiber hücumlar, COVID-19 kimi sağlamlıq böhranları, terror hücumları və silahlı münaqişə kimi təhlükəsizlik problemlərini əhatə edəcək.
Məlumata görə, 20 səhifədən ibarət olan bələdçi Baş nazir Bayru tərəfindən təsdiqləndiyi təqdirdə yaydan əvvəl vətəndaşlara paylanacaq.
Qeyd edək ki, Finlandiya və İsveçdə də oxşar bələdçilər hazırlanaraq vətəndaşlara təqdim edilib.
Mədinə Cəlilova
23:26 20.03.2025
Oxunuş sayı: 10029
