İmamoğlu araşdırmasından ilk sızma: 5 milyon avroluq rüşvət iddiası
İstanbul Böyükşəhər Bələdiyyəsinə (İBB) qarşı aparılan korrupsiya istintaqı çərçivəsində şübhəlilər Ertan Yıldız və Süleyman Atikin bir ticarət mərkəzinin sahibindən 5 milyon avro rüşvət tələb etdiyi iddia olunur. Şübhəlilərdən Yıldızın xaricdə olduğu bildirilərkən, Atikin saxlanıldığı açıqlanıb.
Crossmedia.az Türkiyə mətbuatına istinadən xəbər verir ki, İstanbul Respublika Prokurorluğu tərəfindən İBB sədri Əkrəm İmamoğlu və daha 99 nəfər haqqında başlanan istintaq davam edir. Şahid ifadələrinə əsasən, İBB Məclisi İştiraklar və Bağlı Quruluşlar Komissiyasının sədri Ertan Yıldız və Süleyman Atik ticarət mərkəzinin sahibini “Bizə 5 milyon avro verin, əks halda ticarət mərkəzinizin zəlzələyə dayanıqsız olması ilə bağlı bələdiyyə qərarı çıxaracağıq.” deyə təhdid edib.
İddiaya görə, rüşvət tələbi rədd edildikdən sonra ticarət mərkəzinə bələdiyyə tərəfindən 197 milyon lirə cərimə kəsilib. İstintaq çərçivəsində ticarət mərkəzinin zəlzələyə dayanıqsız olduğuna dair hesabat verildiyi irəli sürülsə də, İnzibati Məhkəmə bu cərimə ilə bağlı icranı dayandırma qərarı çıxarıb. Belediyə rəhbərliyinin isə rüşvət ala bilmədiyi üçün bu cəriməni qanunsuz şəkildə tətbiq etdiyi iddia olunur.
Mədinə Cəlilova
22:12 20.03.2025
Oxunuş sayı: 1173
