İlon Mask Hindistan hökumətinə qarşı məhkəmə iddiası qaldırıb
Amerikalı sahibkar İlon Mask Hindistan hökumətinə qarşı məhkəmə iddiası qaldırıb.
Crossmedia.az xəbər verir ki, bu barədə Bloomberg xəbər verir.
İşin səbəbi Hindistan hakimiyyətinin internet məzmununun tənzimlənməsi və senzura siyasətidir. Maska məxsus X sosial şəbəkəsində Hindistan hökumətinin "əsassız və qeyri-müəyyən" məzmun silmə tələbləri irəli sürdüyü iddia edilir. Sahibkarın fikrincə, hökumət bu qərarlarında ardıcıl və qanuni yanaşma sərgiləmir.
Qeyd edək ki, bu səbəbdən Mask Hindistanın Cənubi Karnataka ştatının Ali Məhkəməsinə müraciət edərək, federal hökuməti qanunlara uyğun hərəkət etməyə məcbur etməyi tələb edib.
Eyni zamanda ABŞ və Hindistan arasında münasibətlərin gərginləşməsi vəziyyəti daha da çətinləşdirir. ABŞ Prezidenti Donald Tramp Hindistanın amerikalı məhsullara yüksək tariflər tətbiq etməsinə cavab olaraq, apreldən etibarən Hindistan mallarına gömrük rüsumları tətbiq edəcəyini bəyan edib.
Xumar Emilqızı
21:00 20.03.2025
Oxunuş sayı: 8576
