Slovakiya Baş naziri Fico: “Avropa İttifaqının Rusiyaya qarşı yeni sanksiyalarına veto qoya bilərik”
Slovakiya Baş naziri Robert Fico, ölkəsinin Avropa İttifaqının (Aİ) Rusiyaya qarşı yeni sanksiyalarına veto qoya biləcəyini açıqlayıb.
Crossmedia.az Baş nazirin sözlərinə əsasən bildirir ki, Bratislava hər hansı bir qiymətə yeni sanksiyaların qəbul edilməsində israr etməyəcək.
“Elə bir an gələ bilər ki, biz bu sanksiyalarla razı olmadığımızı bildirək. Çünki düşünürük ki, onlar hazırda həyata keçirilən sülh proseslərinə ziddir. Əgər yeni sanksiyaların Ukraynadakı münaqişənin sülh yolu ilə həllinə mane olduğunu başa düşsək, veto qoymağa hazırıq”, - deyə Slovakiya Baş naziri vurğulayıb.
Mədinə Cəlilova
18:50 20.03.2025
Oxunuş sayı: 692
