Azərbaycan Ermənistandan 4 kəndin qaytarılmasını tələb edir – Hraparak
Ermənistanın "Hraparak" qəzetinin məlumatına görə, Azərbaycan Sədərək rayonunun Kərki, Qazax rayonunun Sofulu, Bərxudarlı və Yuxarı Əskipara kəndlərinin qaytarılmasını tələb edir.
Crossmedia.az xarici KİV-ə istinadən xəbər verir ki, bu ərazilərin qaytarılması ilə yanaşı, Ermənistanı Gürcüstanla birləşdirən beynəlxalq magistral yol və ölkənin əsas daxili nəqliyyat arteriyalarından biri Bakının nəzarətinə keçə bilər.
Məqalədə qeyd olunur ki, Ermənistanın baş naziri Nikol Paşinyan yaranmış vəziyyətdən çıxış yolu tapmaq üçün yüksək vəzifəli məmurlarla və partiya yoldaşları ilə məsləhətləşmələr aparır.
Qəzetin yazdığına görə, İrəvan vaxtında Azərbaycanın Zəngəzur dəhlizi ilə maneəsiz keçidinə razılıq versəydi, hazırkı çətin vəziyyət yaşanmazdı.
Məsələ ilə bağlı rəsmi açıqlama verilməyib.
16:50 20.03.2025
Oxunuş sayı: 8024
