Makron və Tramp Ukrayna məsələsində qarşı-qarşıya gəlir
Fransa Prezidenti Emmanuel Makronun Ukrayna münaqişəsinin həlli ilə bağlı təşəbbüsləri onu ABŞ Prezidenti Donald Trampla ziddiyyətə salır.
Crossmedia.az xəbər verir ki, bu barədə Bloomberg məlumat yayıb.
Agentliyin yazdığına görə, Tramp atəşkəsin tezliklə elan olunmasına çağırdığı bir vaxtda Makron son həftələrdə 30-dan çox ölkənin müdafiə nazirlərini qəbul edib. O, Böyük Britaniyanın Baş naziri Kir Starmerlə birlikdə Kiyevə hərbi dəstək verməyə hazır olan 37 ölkənin nümayəndələrini bir araya gətirmək niyyətindədir. Lakin Makronun Ağ Evlə münasibətləri möhkəmləndirmək cəhdləri ciddi maneələrlə üzləşir.
Xatırladaq ki, bundan əvvəl Fransa Prezidenti televiziya vasitəsilə xalqa müraciətində Parisin Kiyevi dəstəkləyən bir sıra ölkələrin Silahlı Qüvvələrinin Baş Qərargah rəislərinin görüşünü təşkil edəcəyini bildirmişdi. Görüşdə Ukraynada Avropa hərbi kontingentinin yerləşdirilməsi məsələsinin müzakirə ediləcəyi gözlənilir.
Fatimə Məmmədova
13:10 20.03.2025
Oxunuş sayı: 9343
