Kobaxidze: Aİ ilə münasibətlərdə ciddi problemlər var
Gürcüstanın Baş naziri İrakli Kobaxidze Avropa İttifaqı ilə münasibətlərdə ciddi problemlərin yarandığını və kommunikasiya imkanlarının məhdud olduğunu bildirib. Onun sözlərinə görə, bütün sərt qərarlar Aİ rəsmiləri tərəfindən verilir.
Crossmedia.az bildirir ki, bu barədə xarici media mənbələri yazıb.
"Əgər ölkəmizə ədalətli yanaşsalar, biz dialoqa tam açığıq", – deyə Kobaxidze vurğulayıb.
Belə ki, Baş nazir Aİ-nin Gürcüstandakı səfirini ölkənin daxili işlərinə qarışmaqda ittiham edib. O, xarici işlər naziri Maka Boçorişvilinin buna baxmayaraq diplomatla dialoq qurmağa çalışdığını qeyd edib.
Həmçinin, Kobaxidze Gürcüstanın Aİ ilə imzalanmış Assosiasiya Sazişi çərçivəsində öhdəliklərini yerinə yetirdiyini vurğulayıb.
"Lakin Mərkəzi Seçki Komissiyasına güzəşt edilməsi kimi tələblər qəbuledilməzdir. Seçki sistemini radikal müxalifətə verməyəcəyik, lakin islahatlar davam edəcək", – baş nazir əlavə edib.
Fatimə Məmmədova
13:30 20.03.2025
Oxunuş sayı: 741
