HƏMAS: "Fələstinlilər öz torpaqlarını tərk etməyəcək"
HƏMAS İsrailin Qəzza zolağına qarşı başlatdığı məhdud quru əməliyyatı ilə bağlı açıqlama verib. Crossmedia.az xəbər verir ki, hərəkat, bu addımı atəşkəsin yeni və təhlükəli pozuntusu kimi qiymətləndirib.
Bəyanatda vurğulanıb ki, İsrailin müdafiə naziri Yoav Katzın Qəzza xalqını köçürməklə hədələməsi, Benyamin Netanyahu hökumətinin yaşadığı siyasi və hərbi böhranın dərinliyini əks etdirir.
HƏMAS, Fələstin xalqının öz torpaqlarını tərk etməyəcəyini və bu məsələdə qəti mövqe sərgilədiklərini bildirib: "Biz deyirik ki, Qüdsdən başqa yerə köç olmayacaq."
Təşkilat, İsrailin hücumlarına baxmayaraq, müqavimətini davam etdirəcəyini və fələstinlilərin haqlarını müdafiə etməkdən vaz keçməyəcəyini bəyan edib.
02:25 20.03.2025
Oxunuş sayı: 11168
