İsrail Qəzzada dəfn mərasimini bombalayıb: Ölənlər var
İsrailin Qəzza zolağına hücumları intensivləşdirib.
Crossmedia.az xarici mətbuata istinadən xəbər verir ki, İsrail ordusu Beyt-Lahia şəhərinin Əl-Sultan məhəlləsində keçirilən dəfn mərasiminə hava zərbəsi endirib.
Hücum nəticəsində 16 nəfər həyatını itirib, 30 nəfər isə yaralanıb.
Yaralılar dərhal İndoneziya Xəstəxanasına yerləşdirilib, bir çoxunun vəziyyəti ağırdır.
Bu hücum İsrailin Qəzza zolağına etdiyi son zərbələrdən biridir. Dünəndən bəri 436 nəfər həyatını itirib, 678 nəfər isə yaralanıb.
Səlahiyyətlilər, humanitar vəziyyətin getdikcə pisləşdiyini və bölgədəki həkimlərin vəziyyəti nəzarətdə saxlamağa çalışdığını bildirirlər.
22:58 19.03.2025
Oxunuş sayı: 6222
