Xarici xəbərlər

Zelenski: "Trampın rəhbərliyi altında davamlı sülh əldə oluna bilər"

"Trampın rəhbərliyi altında bu il davamlı sülh əldə oluna bilər".

Crossmedia.az xarici mətbuata istinadən xəbər verir ki, bunu Ukrayna prezidenti Vlodimir Zelenski, bu gün ABŞ prezidenti Donald Trampla telefon danışığından sonra deyib.

Zelenski, Tramp ilə müsbət, hərtərəfli və açıq görüş keçirdiklərini bildirərək, cəbhədəki son vəziyyəti, Rusiyanın hücumlarını, hərbi əsirlərin azad edilməsini və ukraynalı uşaqların geri qaytarılmasını müzakirə etdiklərini qeyd edib.

Ukrayna lideri həmçinin, atəşkəs dövründə hərtərəfli sülh sazişinin hazırlanması üçün atılacaq addımları vurğulayıb. O, Ukrayna və ABŞ komandalarının yaxın günlərdə Səudiyyə Ərəbistanında görüşərək sülh addımlarını koordinasiya edəcəklərini bildirib.

Zelenski, Trampla sülhün təmin olunması üçün lazımi tədbirləri görməyə hazır olduqlarını açıqlayıb.

Aybəniz Səfərova

🖨 Çap et

22:45 19.03.2025

Oxunuş sayı: 717