İsrail ordusu Qəzzada bufer zonasını genişləndirir
İsrail ordusu Qəzza zolağının mərkəzi və cənubunda bufer zonasının genişləndirilməsinə yönələn quru əməliyyatlarının başlandığını təsdiqləyib.
Crossmedia.az xəbər verir ki, bu barədə İsrail ordusunun resmi "Telegram" kanalı xəbər verib.
"Son sutka ərzində İsrail ordusu qoşunları nəzarət zonasını genişləndirmək və Qəzzanın şimal və cənub hissələri arasında qismən bufer zona yaratmaq üçün məqsədyönlü əməliyyatlara başlayıb", - deyə bildirilib.
Yaxın Şərq KİV-ləri qeyd edib ki, İsrail qoşunları hazırda Qəzza zolağını şimal və cənub hissələrinə bölən Netzarim dəhlizinin ərazisinin təxminən yarısını regionun əsas magistral yolu Salah əd-Dinə qədər ələ keçirib.
22:13 19.03.2025
Oxunuş sayı: 802
